Жапония Украинадағы соғысқа байланысты Ресейге қосымша санкциялар енгізуді мақұлдаған. Бұл өз кезегінде Қазақстанға да әсер етіп отыр.
Жапония министрлер кабинеті отырысында экспортқа тыйым салынған тауарлар тізіміне кран қозғалтқыштарына арналған бөлшектер мен басқа да арнайы жабдықтарға арналған бөлшектер, сондай-ақ шағын мотоциклдер сияқты 335 позиция қосылғаны мәлім болды.Бұл Ресейдің өнеркәсіптік әлеуетін күшейтуі мүмкін. Сондай-ақ, химиялық қаруды әзірлеу үшін қолданылуы мүмкін капсаицин сияқты химиялық заттарды экспорттауға тыйым салынған. Мұндай тауарларды экспорттауға тыйым 23 қаңтардан бастап күшіне енбек.
Үкіметтік шешімде Ресейге санкцияларды айналып өтуге көмектеседі деп күдіктелген алты елдің 31 ұйымына экспортқа тыйым салу қарастырылған. Бұл топта Қазақстан, Біріккен Араб Әмірліктері (БАӘ), Қытай, Қырғыз Республикасы, Таиланд және Түркия бар.
Жапония министрлер кабинетінің бас хатшысы Есимаса Хаяши бұдан бұрын Жапония G7 елдерін қоса алғанда, халықаралық қауымдастықпен ынтымақтаса отырып, Украина төңірегіндегі жағдайды шешуге бағытталған халықаралық күш-жігерге өз үлесін қосатынын мәлімдеген болатын.