Президент 2024 жылғы 27 желтоқсандағы жарлығымен Қазақстан халқы Ассамблеясы туралы ережені бекітті.
Құжат Қазақстан халқы Ассамблеясының мәртебесі мен өкілеттіктерін, сондай-ақ оның мемлекеттік органдармен және қоғамдық бірлестіктермен өзара іс-қимылын ұйымдастыру ерекшеліктерін, Қазақстанның этносаралық қатынастар саласындағы мемлекеттік саясатын әзірлеуге және іске асыруға қатысу тәртібін айқындауға арналған.
Қазақстан халқы Ассамблеясы — Президент құратын заңды тұлға құрмайтын мекеме. Ассамблея қоғамдық келісім мен жалпыұлттық бірлікті қамтамасыз ету жөніндегі мемлекеттік саясатты әзірлеуге және іске асыруға ықпал етеді.