Беларусь президенті Александр Лукашенко да Астанаға жұмыс сапарымен келді. Мұны Қазақстан үкіметінің баспасөз қызметі растаған.
Лукашенко 28 қарашада жоспарланған ҰҚШҰ Ұжымдық қауіпсіздік кеңесінің отырысына қатысады. Отырысқа қатысатын ел делегациялары аймақтық және халықаралық қауіпсіздіктің өзекті мәселелерін талқыламақ. Отырыс қорытындысы бойынша бірқатар құжатқа қол қойылатыны да айтылып жатыр.