Ескішаһар – Түркияның солтүстік-батыс аймағында орналасқан қала. Іргетасын гректер «Дорилей» деп қалаған бұл шаһар Османлы империясы енді құрылған жылдары (XIV ғасырда) аса маңызды рөл атқарған. «Sultanönü», яғни, «маңдайалды» деген мағына беретін бұл қала кейін маңыздан айырылып, жұрт ескірген шаһар, Ескішаһар атай бастайды. Алайда, 1921 жылы грек әскерлері қаша жүріп ұрыс салған кезде Ескішаһар түріктердің әскери тактикасын ұйымдастыратын мекені болған. Ал 1922 жылдың жазында түрік сарбаздары Ескішаһарға қайта оралады.
Біз ат басын 2014 жылдың көктемінде бұрған едік. Түнделетіп мына жерде түркі журналистері жүрек жалғап алды да, Ескішаһардағы Түркі әлемі журналистерінің форумына тартып отырды.
