Стамбұлдағы тойға мені Махмут Башташ ағам шақырған. Ұлын үйлендіретінін айтып, құрметті қонақтар қатарында бол деді. Бұрын-соңды болып көрмеген той. Сондықтан тойға асықтым. «Әр елдің салты басқа, иттері қара қасқа» дегендей, біраз нәрсесі маған қызық көрінді. 🙂
Той басталмас бұрын көрші көшедегі келінді үйінен ата анасының ақ батасымен алып шықты. Келінді әкелуге енесі мен күйеу жігіт, оның туғандары барды. Еркектер қауымы үйге кірген жоқ. Қалыңдық үйден ұзатыларда дастарқан жайылмады біздегідей ас та төк. Оған да кәдімгідей таңғалдым.
Той Стамбұлдағы Түркия қазақтарының мәдени қорының ғимаратында өтті. Негізі күндізгі келін түсіру, беташар, құда көріспек т.б. тойлардың барлығы дерлік осында болады екен.
Түркияда әйелдер мен ерлер бөлек отырады.
Қалыңдықты үйден алып шыға сала, Стамбұлд қыдыруға шықтық көліктермен. Өте қызықты болды. Әсіресе, көліктер қалыңдық пен күйеу жігіттің машинасынан кейін жүруге таласты. Біздің көлік бірінші келген. Күйеудің жеңгесі қолымызға конверт ұстатты. Ашып қалсақ… ішінен 1 доллар шықты… 🙂
Атажұрттан келгенімізді естіген апалар бізге бірден жылы ышрай танытты. 
Той болған жерде міндетті түрде хал сұрасу мен әңгіме айту болады. ))
Қазақстаннан барған қонақтар. Астанадан Қайрат Сақ ағам келді отбасымен. Гүлмира Ақүрпекова да Махмұт Башташ ағамның құрметті де тұрақты қонақтарының қатарында екен.
Еуропадан Стамбұлдағы тойға арнайы келген қазақтар. 
Келін мен күйеу жігіттің мойнына қызыл лента ілінеді де, алтын мен ақша сол лентаға жиналады. Жас жұбайлардың жанында бір жеңгесі тұрады, егер сыйлық ілетін инеңізді үйде ұмытып кетсеңіз. ))
«Той үстінде тәтті күндер, тәтті күндееееррр»… )))
Ақшаны інімнің мойнына іліп жатып жайлаааап қарағам ғой жұрт не берді екен деп. Жиырма лирадан бастап, 100, 200 лира, сондай ақ, доллар мен еуро да ілген екен лентаға.
Той тортсыз болмайды ғой… ))
