Ақтөбе облысы Ырғыз ауданының тұрғыны суға батып бара жатқан баланы құтқарып қалып, алғашқы көмек көрсеткен.
21 сәуір күні Төтенше жағдай қызметкерлеріне құтқарушыларға суға батып бара жатқан бала жайлы хабар түскен. Құтқарушылар келем дегенше, баланы көршісі судан алып шыққан. Тұрғынның айтуынша, бала 7-8 метрге дейін жағадан ұзап кеткен. Оны судан алып шыққанда ес-түссіз жатқан көрінеді. Құтқарушылар зардап шегушіні Орталық ауруханаға жеткізген. Дәрігерлер оның денсаулығы мен өміріне төнген қауіптің жоқтығын айтты.
Баланы құтқарған жігіт Нұржан Рашидов Қ.Жұбанов атындағы АӨМУ-нің 2-курс студенті екен. Төтенше жағдайлар комитеті оны батылдығы үшін марапаттап, Нұржанға Қ.Жұбанов университетінің «Жұбанов шәкіртақысын» тағайындады.
Диана Болат.