Сұлтанахмет мешіті Стамбұлдың ғана емес, күллі Түркияның символы іспетті. Сыртынан қарасаң, көркіне көз тоятын мешіттің ғұмыры да ұзақ.
Мəрмəр теңізінің жағасында, Стамбұлдың тарихи орталығына орналасқан Сұлтанахмет мешіті 1609-1616 жылдары аралығында салынған. Архитектурасы классикалық османдық жəне византиялық стильдегі мешіттің 6 мұнарасы бар.
Алыстан осылайша мен мұндалайтын алты мұнарасыз бүгінде Сұлтанахмет мешітін көзге елестету қиын.
Мешіттің ауласындағы орындықтар туристер мен жергілікті халықтың сүйікті орнына айналған. Дәл осы жерден екіқабатты автобустар Босфор турына шақырады. Сондай-ақ, мешітке жақын маңда АйяСофия мен Йере батан сарынджы, яғни, жер асты цистернасы бар. Мыңжылдықтарды артқа тастаған тарихи мекендерге туристердің қызығушылығы шексіз.
Аңызға сенсек, алғашқыда сұлтан 4 алтын мұнара орнатуды бұйырған. Бірақ архитектор шатасып, 6 алтын мұнара көтеріпті. Тас пен мəрмəрдан қаланған ғимаратта 20 мыңнан астам қолдан жасалған ақ жəне көгілдір түсті керамикалық плиталар қолданғандықтан, «Көгілдір мешіт» атанған. Плиталарға қызғалдақтың 50-ден астам түрі суреттеліпті. Ғимараттағы 260 терезеден түскен Күн сəулесі мешіттің ішін самаладай жарық етеді.
Ал ішіндегі оюы көздің жауын алады. Ғасырлар бойы сыны мен сырын бермеген қабырғаларда сан мәдениеттің ізі жатыр.
Ең бастысы Стамбұлға аяқ басқан әрбір турист Сұлтанахмет алаңын төңіректейді де жүреді. 🙂
