ҚАЗАҚ ЖАСТАРЫ СТАМБҰЛДА “БІРЛІК” ҰЙЫМЫН ҚҰРДЫ

Стамбұлда жаңа оқу жылының басталуына орай Түркияға Қазақстаннан білім алуға келген студенттер бас қосты.
Аталған жиын Қазақстанның Стамбұлдағы Бас консулдығының ұйымдастыруымен жүзеге асты. Жүздесуге Стамбұл, Бұрса мен Сакария қалаларындағы студенттер, Бас консул Әлім Бәйел, Бас консулдық дипломаттары қатысты.

Тәуелсіздігіміздің 30 жылдығы шеңберінде ұйымдастырылған жиында жастар қазақ әндерін шырқап, ұлттық ойындар ойнады. Табиғат аясында өткен кездесуде стамбұлдық студенттер «Бірлік» жастар ұйымын құрды. Алдағы уақытта Бас консулдық осы ұйыммен бірге Тәуелсіздігіміздің 30 жылдық мерейтойын түрік елінде кеңінен атап өтпек.

Өз кезегінде Қазақстан Елшілігі, ҚР Стамбұл Бас консулдығы және ҚР Анталья консулдығы пандемиядан кейін Түркияға қайта оқуға келген жастармен бірлесе отырып, түрлі жоба мен бағдарлама ұйымдастыруды жоспарлап отыр.

Related posts

Қазақстандағы алғашқы қашықтан жанармай құю сервисі

ttjk

Құзырлы органдар бірлескен бұйрыққа өзгеріс енгізді

editor

Электр және жылу желілері әбден тозған

editor