Алматыдағы Жандосов пен Гагарин көшелерінің қиылысындағы «Мята» ойын-сауық орнында атыс болып, оқиға орнына полиция, жедел жәрдем, медициналық сарапшылар келген.
Атыс туралы ақпарат әлеуметтік желіде жария болды. Куәгерлердің айтуынша, алғашында төбелес болып, арты атысқа айналған. Қалалық полиция департаментінің баспасөз қызметі дерек бойынша Бостандық аудандық полиция басқармасы қылмыстық іс қозғағанын хабарлады.
«Күдіктілерді ұстауға бағытталған жедел-іздестіру іс-шараларының кешені өткізіледі. Алдын ала мәліметтер бойынша жанжал бейтаныс адамдар арасында болған», деп хабарлайды баспасөз қызметі.