Оқу-ағарту министрі Ғани Бейсембаев ғылыми еңбек міндетті түрде оқулықтарды жазғанда негізге алынатынын мәлімдеді.
«Ғылыми зерттеулер жасалып жатыр. Оны ғалымдар толыққанды шешіп болғаннан кейін оның ішіндегі мектеп бағдарламасындағы қажетті ақпараттар әрине, енгізуде негізге алынатын болады. Ол сөзсіз. Қазақстан тарихы оқулығы жазылған кезде ғылыми еңбек үнемі негізге алынып отырады», – деді министр Үкіметте.
Қарашада Ресей сыртқы істер министрі Сергей Лавров елдің Қазақстанмен ортақ тарихшылар тобын құратынын айтқан еді. Қазірге белгілісі, олар 7 томдық еңбек жазады.