9 қазанда Есіл ауданының полиция бөліміне 57 жастағы жергілікті тұрғын жүгініп, алаяқтарға алданып қалғанын жеткізген. Ол бірнеше банктен несие алып, қолма-қол ақшаны белгісіз шотқа аударыпты.
Жәбірленушінің айғақтарына сәйкес, ол бұқаралық ақпарат құралдарынан және полиция қызметкерлері жүргізетін әңгімелерден алаяқтықтың осындай фактілері туралы естіген. Соған қарамастан алаяққа алданып қалды.
Жәбірленушіге белгісіз адам қоңырау шалып, өзін Қазпошта курьері деп таныстырып, оған сот орындаушысынан хат келіп түскенін және оны алу үшін оған 1414 абонентінен келіп түскен кодты хабарлау керек екеніне сендірген. Әрі қарай әйелге құқық қорғау органдарының жалған қызметкері қоңырау шалып, оның атына бұрын айтылған хабарламаға байланысты несиелер алынғанын және енді онымен бірге жұмыс жасауға міндетті екенін және бас тартқан жағдайда ол алаяқтың сыбайласы деп танылатынын айтты. Содан кейін бейнеқоңырауға банктің жалған қызметкері қосылды, ол жәбірленушінің банктік қосымшасына бөгде адамның кіруіне және тағы бірнеше несие алуға әрекет жасалғанын хабарлады.