4 желтоқсан күні Әзірбайжандағы «Гүнешлі» кен орнында өрт болды. «Reuters» агенттігінің хабарлауынша, өрт салдарынан 32 мұнайшыі қаза тапқан. Құтқарушылар 32 адамды құтқарып қалды.
Аталған кен орны SOCAR мемлекеттік компаниясына тиесілі. Алайда, компания тарапынан әзірге ресми мәлімдеме түскен жоқ. Есесіне, Мұнайшылардың кәсіподақ ұйымының басшысы Мирвари Гахраманлы «Reuters» агенттігіне өрт болған кезде платформада 82 кеншінің болғанын, оның 32-сі қаза тапқанын хабарлаған. Өкінішке қарай, оқиға орнында 10 метрден астам биіктіктегі толқынның кесірінен өртті дер кезінде өшіру мүмкін болмаған. Ал өрт дауылдан туындаған.
«Гүнешлідегі» қайғылы жайтқа байланысты бүгін, яғни, 6 желтоқсан Әзірбайжан президенті Ильхам Әлиевтің шешімімен, қаралы күн деп жарияланды.
«Түркітілдес журналистер қоры» ҚҚ