Сауд Арабиясының астанасы Эр-Риядта өтіп жатқан Ислам ынтымақтастығы ойындарында Қазақстан құрамасының джиу-джитсу шебері Жігер Алматай алтын медаль иеленді.
Алтын жүлде
77 келі салмақ дәрежесінде өнер көрсеткен Жігер Алматай жарыстың шешуші кезеңінде Біріккен Араб Әмірліктерінің спортшысы Махди Алавлакиден басым түсіп, өз санатында үздік атанды.
Өзге жүлделер
Бүгін, 21 қарашада, Қазақстан командасының тағы бір мүшесі Жібек Құлымбетова 52 келі салмақта күміс медальға қол жеткізді. Финалда ол БАӘ өкілі Асма Альхосанимен кездесіп, қарсыласы жеңісті жұлып алды.
Сонымен қатар, 62 келі салмақта бақ сынаған Мансұр Хабибулла қола жүлдегер атанды. Үшінші орын үшін өткен айқаста ол алжирлік Бесо Абделмалекті ұтып, еліміздің қоржынына тағы бір медаль салды.
Фото: Nur.kz