Мемлекет басшысы Қасым-Жомарт Ресей президенті Владимир Путиннің шақыруымен сенбіде, 25 шілдеде Омбы қаласына барады.
«Мемлекет басшысы Қасым-Жомарт Тоқаев президент Владимир Путиннің шақыруымен 25 шілдеде ХХІІ Қазақстан — Ресей өңіраралық ынтымақтастық форумына қатысу үшін Омбы қаласына сапармен барады», — делінген хабарламада.
Іс-шара аясында мемлекеттер басшыларының кездесуі жоспарланған.
24.kz мәліметінше, Ресей мен Қазақстанның өңіраралық ынтымақтастық форумы Омбыда 24 шілдеде ашылды. Биылғы форумның негізгі күн тәртібі — логистика.
Атап айтқанда, су жолдарын дамыту жобалары — Ертіс өзені арқылы Ресей — Қазақстан — Қытай бағыты бойынша халықаралық көлік дәлізін құру перспективалары талқыланып жатыр. Сондай-ақ, қатысушылар трансшекаралық өзенді сақтау бойынша экологиялық серіктестік мәселелерін қарастырып жатыр.
Сондай-ақ, өнеркәсіптік кооперация да басты назарда. Сөз кәсіпорындар арасындағы тікелей байланыстарды, агроөнеркәсіптік кешенді дамыту және инвестициялық жобаларды іске асыру туралы болып отыр.
Tengrinews.kz