Облыстық ПД -нің мәліметінше, бұл дерек полиция қызметкерлерінің күдігін туғызып, азаматты мән-жайды анықтау үшін бөлімшеге жеткізуге негіз болды. Тексеру барысында анықталғандай, бол былтыр тамыз айында Астана қаласының мамандандырылған ауданаралық сотының шешімімен Қазақстан аумағынан шығарылған. Мұндай шешім оның Қазақстанның Әкімшілік құқық бұзушылық туралы кодексінің 517-бабында көзделген көші-қон заңнамасын бұзуына байланысты қабылданған. Алайда сот шешіміне қарамастан, азамат елден кетпей, ішкі істер органдарынан жасырынып жүрген.
Қостанай аудандық соты қолданыстағы заңнамаға сәйкес, аталған шетелдік азаматқа қатысты 30 тәулікке шектеулі жүріп-тұру санкциясын бекітті. Қазіргі уақытта ол сот шешімінің орындалуын күту үшін Қостанай қаласындағы арнайы қабылдағышқа орналастырылды. Астана қаласының полиция қызметкерлері бұл азаматты елден шығару үдерісін бақылауға алып, сот шешімінің толық орындалуын қамтамасыз етпек.