Пәтер бағасы 15 пайызға қымбаттайды

Жаңа жылдан бастап елімізде тұрғын үй бағасы 10-15 пайызға қымбаттауы мүмкін. Себебі, бизнестің осы түріне, яғни құрылыс саласына 12 пайыздық қосылған құн салығы қайта енгізілмек.

Елдегі құрылыс компаниялары бұл салық түрінен 2001 жылы босатылған еді. Осылайша үкімет үйдің бағасын арзандатпақ болды. Енді сол салық келер жылдан бастап қайта енгізілгелі отыр. Құрылыс компанияларына жеңілдік берілген 2001 жылдан бастап су жаңа баспананың құны 21 есе қымбаттапты.

Қазақстан құрылысшылар одағының Астана филиалының директоры Вячеслав Лазаревтің айтуынша, қазір құрылыс компаниялары шамамен 15 пайыздық пайдамен жұмыс істеп отыр. Егер 12 пайыздық салық енгізілетін болса, құрылыс компаниясы пайда таба алмауы ықтимал.  Сондықтан компаниялар шаршы метр бағасын көтермек.

Сарапшылардың болжамына сәйкес, жаңа салынған үйлердің бағасы көтерілсе, бұл екінші нарықтағы тұрғын үйлердің құнына да әсер етеді.

Related posts

Электр және жылу желілері әбден тозған

editor

ДҮНИЕЖҮЗІЛІК ҚАЛДЫҚТАРСЫЗ ӨМІР СҮРУ КҮНІ

ttjk

Спокойный, но прохладный: анатолийская сторона Стамбула

ttjk