Түркістан облысының әкімі апат салдарынан зардап шеккен аудандарда болып, елдің ахуалымен танысты.
Түркістан облысының әкімі Өмірзақ Естайұлы Шөкеев Төлеби ауданына келіп, нөсерлі жауыннан зардап шеккен нысандарды аралап, оларды ретке келтіру жұмыстарын қадағалады. Қазір Төлеби ауданында төтенше жағдай жарияланып, арнайы комиссия жұмыс жасап жатыр. Аймаққа сел қаупі төнген бойда облыс әкімінің орынбасары М.Мырзалиевтың төрағалығымен төтенше жағдайға байланысты жедел штаб құрылған еді. Су басқан елді мекендерде тиісті жұмыстарды атқару үшін жүзеге асырылуы тиіс жұмыстар 4 секторға бөлінген болатын. Әр секторға Қазығұрт, Ордабасы, Төлеби, Сайрам аудандарының әкімдері жауапты тұлға ретінде бекітілді.
Сондай-ақ, Жоғары Қасқасу елді мекеніндегі «Қасқасу» өзені бойында орналасқан 4 көпірді нөсер жауынның салдарынан су шайып кеткен болатын. Көпірлерді қалпына келтіру мақсатында,қазіргі кезде құны 82,8 млн.тг болатын 4 көпірдің сметалық құжаттары бар жоба әзірленген.
Тұрмахан Нұрсұлтан