Полиция Алматы қаласының шетіндегі «Алтын орда» базарының бұрынғы басшыларына халықаралық іздеу жариялады. Бұл туралы Қазақпарат агенттігі хабарлады.
Ресми мәліметке сәйкес, Алматы облысы, Қарасай ауданының полициясы 1982 және 1986 жылы туған 4 азаматты іздестіріп жатыр. Олардың үстінен қылмыстық кодекстің 190-бабы (аса ірі көлемде алаяқтық жасау) бойынша іс қозғалған. Күдікке ілінгендердің аты-жөні – Данияр Әпдіғапаров, Жұмадин Патов, Қанат Жақаев пен Айдос Нұрқалиев.
Полиция қызметкерлері қазіргі уақытта күдіктілерді ұстап, оларды Қарасай ауданындағы уақытша қамау изоляторына қамау үшін жедел-іздестіру шаралары жүріп жатырғанын хабарлады.
Сурет: informburo.kz