Облыс көлемінде «Таза Қазақстан» бағдарламасы аясында жалпыөңірлік экологиялық акция өз жалғасын табуда. Семей қаласында кезекті рет жалпықалалық сенбілік ұйымдастырылды.
Экологиялық бастамаға мемлекеттік органдардың қызметкерлері, түрлі кәсіпорындар мен ұйымдардың өкілдері, сондай-ақ қала тұрғындары белсенді қатысты.
Іс-шараның негізгі мақсаты – өңір аумағын абаттандыру және санитарлық жағдайын жақсарту ғана емес, сонымен қатар қоршаған ортаға деген жауапкершілік сезімін қалыптастыру және азаматтардың экологиялық мәдениетін арттыру.
Осындай бастама өңір тұрғындарының экологиялық санасын арттырып, табиғатты қорғауға деген көзқарасты өзгертуге септігін тигізеді.
Сенбілік барысында саябақтар, аулалар, көшелер қоқыстан тазартылды. Нәтижесінде қоқыстар ҚТҚ полигонына шығарылды.