Қазақстанда ағзаны адам денесінен бөлек сақтап, кейіннен трансплантациялау үшін инновациялық құрылғы әзірленіп жатыр.
University Medical Center-дегі қазақстандық кардиохирургтер командасы ағзаны адам денесінен бөлек алып, сақтау үшін бірегей құрылғы жасау үстінде. Бұл трансплантация нәтижелерін айтарлықтай жақсарта алады. Жоба аясында мамандар соғып тұрған жүректі, сондай-ақ «тыныс алып тұрған» өкпені және жұмыс істеп тұрған бауырды сақтау үшін технологияларды әзірлеуде. Болашақта бүйректі де солай сақтау жоспарлануда. Органды өміршең күйде кем дегенде 24 сағат сақтауға болады.
«Жүректі сақтау үшін біздің топ 29 сағат ішінде қауіпсіз және тиімді жұмыс істеуге болатынын дәлелдеді, содан кейін сәтті трансплантация жасалды. Қазіргі уақытта әлемде бір ғана балама бар. Бұл америкалық TransMedics компаниясының OCS жүйесі. Біздің құрылғының америкалық құрылғыдан айырмашылығы – бұл оқшауланған органды ұзақ қолдай алады және америкалық баламасынан айырмашылығы, біздің жүйеде ағзаны адам денесінен бөлектеп алып емдеудің барлық кезеңі қарастырылған және біз бұл органды ультрадыбыстық, тамырішілік артериялық зерттеулер жүргізу арқылы емдей аламыз, бағалай аламыз. Бұл жүректі нәрлендіреді және осылайша реципиенттің ағазаға ие болуын қамтамасыз етеді және трансплантациядан бас тарту немесе ағзаның әрекетсіздік қаупі жоқ әрі ең бастысы қауіпсіз», — деп мәлімдеді «University Medical Center» корпоративтік қорының «Кардиохирургия» клиникалық академиялық департаментінің директоры Тимур Лесбеков.