Әлеуметтік желіде Астанадағы «Арнайы жедел әрекет ету жасағы қызметкерлері» соққыға жығылғаны туралы ақпарат тарап жатыр.
Telegram каналдағы мәліметке сүйенсек, 21 қаңтарда бес ер адам BMW 7401 көлігімен ЕРОП ескі ғимаратына келіп, арнайы жасақ қызметкерлеріне шабуыл жасап, олардың денсаулығына зақым келтірген. Ал бүгін оқиғаға қтысты қалалық Полиция департаменті түсінік беріп «Полиция департаменті алған факт бойынша қылмыстық іс қозғады, оның қорытындысы бойынша процессуалдық шешім қабылданады. ҚР Қылмыстық-процестік кодексінің 201-бабына сәйкес, басқа да мәліметтер жарияланбайды», деген хабар таратқан. Сондай-ақ шабуыл ұйымдастырған құқық бұзушыларға іздеу салынғаны туралы хабарлама таратқан.