Елімізде «Қоғамдық тамақтану қызметтері. Тұтынушылардың тапсырысы бойынша қоғамдық тамақтандыру өнімдерін жеткізу. Жалпы талаптар» атты құжат бекітілді. Бұған сәйкес жаңа жылдан бастап күшіне енген құжат тамақ таситын курьерлердің жұмысына өзгерістер енгізуді көздейді.
Сауда және интеграция министрлігінің Сауда Комитеті бастамашыл болған құжатта курьерлер медициналық тексеруден өткені туралы белгісі бар белгіленген үлгідегі жеке медициналық кітапша алуы міндеттеледі. Сондай-ақ олар кәсіби гигиеналық дайындықтан өтуге, жалпы қабылданған нормалар мен мінез-құлық ережелерін басшылыққа алуға тиіс.