Қостанай облысындағы М-36 Екатеринбург-Алматы автожолының 535-ші шақырымында, Арман ауылының маңында жол-көлік оқиғасы болды.
31 жастағы МАЗ маркалы жүк көлігінің жүргізушісі, шамамен 30 тонна бидай тасымалдап келе жатып жүк көлігін аударып алған. Жүргізуші көлікте жалғыз болған және жол апатынан зардап шекпеген. Айтуынша, ол рөлге ие бола алмай қалған.
«Құжаттарды тексеру барысында полиция көліктің облыстағы жауапкершілігі шектеулі серіктестіктердің біріне тиесілі екенін анықтады. Жүк көлігін жолдан көтеру үшін кран қолданылды. Қазір құқық қорғау органдары процессуалдық шешім қабылдау үшін материал жинап жатыр», — делінген хабарламада.