Бүгін Астанада өтіп жатқан V Дүниежүзілік көшпенділер ойындарында қазақ күресінен ел қоржынына тағы бес алтын медаль түсті. Атап айтқанда, 56 келі салмақ дәрежесінде финалда жерлесіміз Рауза Нұрмахамметова ресейлік Алена Фатихованы ұтты. Осылайша Қазақстан қоржыны тағы бір алтын медальмен толықты.
Бұдан кейін 60 келі салмақта ел намысын қорғаған Мейіржан Берекетов финалда әзербайжандық балуанды тізе бүктіріп, Дүниежүзілік көшпенділер ойындарының чемпионы атанды.
Қазақша күрестен 66 келі салмақта Дидар Тұқышев V Дүниежүзілік көшпенділер ойындарының чемпионы атанса,74 келі салмақта өнер көрсеткен Жұмажан Қожамбеков те қарсыласынан айласын асырып, алтын медаль жүлдегері атанды.
Сондай-ақ қыздар арасынан 60 келі салмақта өнер көрсеткен Бақыт Құсақбаева да V Дүниежүзілік көшпенділер ойындарының жеңімпазы болып отыр.
