Covid — 19 індетінен кейін қытайлық автоөндірушілер әлемдегі ең ірі көлік экспорттаушысы болып отыр.
Visual Capitalist мәліметінше, Қытай Оңтүстік-Шығыс Азия мен Латын Америкасына көлік жөнелтілімдерін көбейтті (BYD және Chery сияқты брендтердің көліктері көбінесе бәсекелестеріне қарағанда арзанырақ).Сондай-ақ, неміс автомобильдерінің экспорты 2010 жылдардың соңына қарай күрт төмендеп кетті. Ал қытайлық автоөндірушілер былтыр 4,7 миллионнан астам көлік сатқан. Екінші орында 4,1 миллион көлікпен Жапония, үшінші орында 3,1 миллион көлікпен Германия тұр.