Ақтөбе облысында тікұшақ құлаған жерге қорғаныс министрінің тапсырмасы бойынша министрдің орынбасары – әуе қорғанысы күштерінің бас қолбасшысы, авиация генерал-лейтенанты Дәурен Қосанов басқаратын арнайы комиссия келді.
Ұшақ апатының алдын ала себебі техникалық ақау деп қарастырылып жатыр.»Түпкілікті қорытынды тергеу жүргізілгеннен кейін жасалады. Зардап шеккен экипаж мүшелері қажет медициналық көмекпен, дәрі-дәрмектермен қамтамасыз етілген және мамандардың бақылауында», — деп жазылған хабарламада.
Қорғаныс министрлігі қаза тапқан әскери қызметшінің туыстарына материалдық төлем, барлық қажет қолдау көрсетілетінін мәлімдеді.