Бүгін «Түркітілдес журналистер қоры» ҚҚ-ның ұйымдастыруымен, Алматыдағы 5 жұлдызды Rahat Palace Hotel қонақүйінде болдық. 1995 жылы салынған қонақүйдің басты ерекшелігі, бұл – Қазақстанда ғана емес, Орталық Азиядағы ең бірінші салынған ең ірі қонақүй.
Біз әп дегеннен оныншы қабатқа көтерілдік. Бөлмелерді аралап көру үшін. Стандарт номерінің бағасын сұрағанбыз, 56 мың теңге екен. Әлбетте, жартылай люкс бағасы бұдан сәл қымбат. Сондай-ақ, Қазақстандағы бірде бір отельде жоқ үш бөлме, жуынатын бөлме, асханасы мен террасасы бар «Президенттік бөлме» бәрімізге қатты ұнады.
Еліміз бен шетелдіктерге 20 жылдан бері қызмет көрсетіп келе жатқан Рахат Палас Алматының ең әдемі жерлерінің бірінде орналасқан. Күншығыс бетінен қарасаңыз, қол созым жерде Көктөбе тұрса, арғы жағында қарт Алатау жатыр маңғаз демалып…
Rahat Palace Hotel қонақтарына таңғы ас, хауыз, сауна мен жаттығу залы теггін. Мұнда SPA салоны да бар. Бір айлық ақысы 75 мың теңге. Ал бір күнге – 7 мың теңге.
Қонақүйдің 10, 20, 50, 100, 150 адамдық конференц-залдарының атаулары қазақша екен. Мәселен, «Қаратал», «Лепсі», «Іле», «Ақсу»… Бұл да бізге қатты ұнады, әрине.
Мұндағы ең ірі зал – 1500 аддам сыятын «Grand Hall». Атшаптырым залды бір күге жалға алғыңыз келсе, 1 миллион теңге төлейсіз. Түрлі ғылыми-тәжірибелік конференциялар, үйлену немесе қыз ұзату тойларын, мерейтой мен сүндеттой… Көңіліңіз қалаған қуанышыңызды туған-туыспен бірге осы жерде атап өтуге болады. Тағы бір ерекшелік, үшінші қабаттағы залға лифт арқылы көліктерді де кіргізе аласыз. Соңғы кездері күйеу жігіт пен қалыңдық міген көліктерді залға дейін кіргізу сәнге айналды ғой.
Rahat Palace Hotel қонақүйінің Бас директоры Сердар бейдің айтуынша, қонақүйге қызметке орналасу оңай. Егер келетін қонақтармен жұмыс істесеңіз, міндетті түрде қазақ, ағылшын, орыс тілдерін білу керек. Ал асхана емесе техникалық салаға жауап беретіндерге тіл білу міндетті емес.
Пресс-турдан соң қонақүйдегі дастарқаннан дәм таттық. Дәмі тіл үйіретін түрлі тағам кез келген қонаққа ұнайтыны анық.