Сенбі, 14 қыркүйектен жексенбі, 15 қыркүйекке қарайтын түні Астанада түнгі автобустар жұмысын тоқтатады. Бұл туралы City Transportation Systems компаниясының баспасөз қызметі хабарлады.
«Оқу маусымы басталып, жолаушылардың саны артқан соң, сондай-ақ, қалалық бағдарларда түнгі автобустарды пайдалану тиімдірек болатынын ескере келе, түнгі маусымдық бағдарлар қозғалысын 14 қыркүйек сенбіден 15 қыркүйек жексенбіге қараған түні тоқтату туралы шешім қабылданды. Айта кетсек, №№ 201, 202 және 203 түнгі автобустары қатынаған күннен бастап 21 116 жолаушыны тасымалдаған» деп хабарлады компания.
Осы күнге дейін №201 автобусы 10 534 жолаушыны, № 202 бавтобусы 5 061 адамды, № 203 автобус 5 521 жолаушыны діттеген жеріне жеткізген. Алайда компания осы аралықта жай қалалық автобуспен шамамен 500 мыңға жуық жолаушы жүргенін жеткізеді. 14 қыркүйектен бастап осы үш автобус та түнде қала ішінде жүрмейді.