Түркия президенті Режеп Тайып Ердоған алдағы президенттік сайлауға қатысуы мүмкін екенін мәлімдеді.
Түркия басшысының сайлауға түсу-түспеуі туралы сұрақ Шанлыурфа провинциясында өткен Әділет және даму партиясының 8-ші съезінде сөйлеген сөзінен кейін қойылған. Түркияның танымал әншісі Ибрагим Татлысестың сауалына жауап берген Ердоған «Егер сен жақтасаң, мен де қолдаймын» деп күле жауап қатты. Дегенмен Түркия президенті Ердоған өзінің саяси жоспары туралы әзірге ресми мәлімдеме жасамаған. Бірақ оның сөзі елдің саяси және қоғамдық ортасында қызу пікірталас тудырып үлгерді.
Түркия президентінің бас кеңесшісі Мехмет Учум Ердоғанның жаңа мерзімге ұсынылуы парламент 2027 жылдың екінші жартысында мерзімінен бұрын сайлау өткізу туралы шешім қабылдаған жағдайда мүмкін екенін атап өтті. Осылайша, Мемлекет басшысының жаңа кандидатурасының құқықтық шарттары ел заңнамасына сәйкес жүзеге асатын болады.