Сыбайлас жемқорлыққа қарсы күрес агенттігі ІІМ органдарында парақорлыққа барған лауазымды қызметкерлер туралы мәлімет жариялады.
Антикордың мәліметінше, Абай облысында Бесқарағай аудандық соты полиция бөлімі бастығының орынбасары Е.Қалиясов пен осы бөлімнің аға жедел уәкілі А. Ташиевке қатысты үкім шығарған. Олар жергілікті тұрғынның 1 млн теңге сомасында ақшалай қаражатын қылмыстық жауапкершілікке тартпау сылтауымен иемденгені үшін кінәлі деп танылып отыр. Қалиясов пен Ташиевке 10 млн теңге көлемінде айыппұл салынып, өмір бойы мемлекеттік қызметте және квазимемлекеттік секторда қызмет атқару құқығынан айырылды. Бұдан бөлек, Қалиясов «полиция подполковнигі», Ташиев «полиция майоры» арнайы атағынан айырылды.
«Өскемен қаласының соты Шығыс Қазақстан облысы «Азаматтарға арналған үкімет» мемлекеттік корпорациясы» КЕАҚ филиалының жылжымайтын мүлікті тіркеу бөлімінің бас маманы А. Қыдырбаеваға және Ішкі істер министрлігі Көліктегі полиция департаменті бөлімшесінің бастығы Р.Байчинге қатысты үкім шығарды. Қыдырбаева «жылжымайтын мүліктің бірыңғай мемлекеттік кадастры» жүйесіне Байчиннің жылжымайтын мүлкінің жоқтығы туралы жалған мәліметтер енгізгені үшін кінәлі деп танылған. Осы үкіммен Байчин жұмыс орнына тіркелген тұрғын үйдің жоқтығы туралы жалған анықтама беру арқылы 7,2 млн теңге сомасында тұрғын үй төлемдері түрінде бюджет қаражатын иемденгені үшін сотты болған. Маман 2 жыл мерзімге ақпараттық-коммуникациялық инфрақұрылымға жіберуге байланысты квазимемлекеттік секторда лауазымдарды атқару құқығынан айыра отырып, шартты түрде 3 жыл 6 айға бас бостандығынан айырылды. Полиция қызметкері залалдың толық өтелуіне байланысты «полицияның аға лейтенанты» арнаулы атағынан айырыла отырып, 3 жыл 6 айға бас бостандығын шектеуге сотталды», делінген агенттік берген хабарламада.
Ал Қостанай қаласының №2 сотымен Қостанай стансасындағы полицияның жедел желілік бөлімінің уәкілі С. Аушаминге қатысты үкім жарияланды. Ол жалпы қамқорлығы үшін «Қазақстан темір жолы-Жүк тасымалы» ЖШС филиалының Қостанай бөлімшесінің пайдалану локомотив депосының басшылығынан 300 мың теңге сомасында пара алғаны үшін кінәлі деп танылды. Аушаминге мемлекеттік қызметте және квазимемлекеттік сектор субъектілерінде қызмет атқару құқығынан өмір бойына айыру жазасымен қатар, 9 млн теңге көлемінде айыппұл түрінде жаза тағайындалды. Сонымен қатар ол «полиция лейтенанты» арнайы атағынан айырылған.
Сондай-ақ «Тараз қаласының соты Жамбыл облысы ПД жеке қауіпсіздік басқармасының тергеушісі Е. Кенжебаевтың үкімін жариялады. Ол қылмыстық іске сәйкес куәгерден оның жұмыс орны бойынша заң бұзушылықтарды жою туралы ұсынысты жібермегені үшін 400 мың теңге сомасында пара алғаны үшін кінәлі деп танылып отыр. Кенжебаевке мемлекеттік қызметте және квазимемлекеттік сектор субъектілерінде қызмет атқару құқығынан өмір бойына айыру жазасы мен 12 млн теңге көлемінде айыппұл салынды. Ол «полиция капитаны» арнайы атағынан айырылды. ҚР ҚК 41-бабына сәйкес айыппұл белгіленген мерзімде төленбеген жағдайда жаза шарасы бас бостандығынан айыруға ауыстырылады. «Сот актілері заңды күшіне енген жоқ» делінген хабарламада.