Қазақстанның Мажарстандағы Төтенше және өкілетті Елшісі Абзал Сапарбекұлы Будапешт қаласында тұратын қазақ диаспорасының жетекшілерімен жұмыс кездесулерін өткізді.
Кездесулерге Қазақстан-Мажар қоры «Барс» ұйымының Президенті Гал Андраш, қазақ диаспорасының жетекшісі Мандоки Онгайша, сондай-ақ «Мажар-қазақ этноспорт және мәдениет қауымдастығының» жетекшісі Жанаргүл Феньвеши қатысты.
Тараптар қазақ тілін, тарихы мен мәдени мұрасын сақтау, тарихи Отанмен байланысты нығайту және 2026 жылға арналған бірлескен мәдени-ағартушылық жобаларды талқылады.