Елордада интернет-алаяқтыққа қарсы шаралардың тиімділігін арттыру мақсатында «Anti-Fraud» жедел-профилактикалық іс-шарасы өткізілуде.
Іс-шара аясында полиция қызметкерлері Instagram желісіндегі жалған аккаунт арқылы қала тұрғындарынан алаяқтық жолмен ақша алған 18 жастағы жас жігітті анықтады. Белгілі болғандай, жас жігіт гүл сатамын деген желеумен жалған аккаунттар ашып, жалған есепшоттарға 20-40 мың теңге көлемінде алдын-ала төлем сұраған.
Одан кейін ақшаны өзінің банк картасына аударған. Келтірілген жалпы шығын шамамен 300 мың теңгені құрады. Күдікті өз кінәсін мойындады. Қазіргі уақытта оның бұрын жасалған осыған ұқсас 16 қылмысқа қатыстылығы анықталып, сотқа дейінгі тергеп-тексеру жүргізілуде. Сонымен қатар, оның елорда аумағында осыған ұқсас қылмыстарға қатыстылығы тексеріліп жатыр.
Астана қаласының Полиция департаменті азаматтарға онлайн-платформалардан тауар сатып алу кезінде қырағы болу керектігін еске салады. Сатушы берген ақпараттың шынайы екеніне сенімді болмайынша, ешқашан аванстық төлемді жібермеңіз. Сонымен қатар, ЖПІШ аясында полицейлер қоғамдық орындарда интернет-алаяқтықтың алдын-алу бойынша материалдар таратып, түсіндіру жұмыстарын жүргізуде.
Елордада “Anti-Fraud” ЖПІШ өтуде: полицейлер интернет-алаяқты ұстады
