Еліміздегі 22 кәсіпорында жылумен жабдықтау 90% дейін ескірген.
Қазақстандағы бірқатар кәсіпорында электр және жылу желілері әбден тозған. Ұлттық экономика вице-министрі Арман Қасеновтың айтуынша, 22 кәсіпорында жылумен жабдықтау 90%-ке дейін ескірсе,18 электр қуатымен жабдықтау нысанында тозу 70-тен 97%-ке жуықтап отыр. Сондай-ақ 23 сумен жабдықтау кәсіпорнында желілердің тозу деңгейі 70% пен 100% шамасында екені анықталған. Ал 24 кәсіпорында су бұру жүйесі 70%-тен 100%-ке дейін тозған. Егер ұлттық жобаны іске асырылса, жылумен жабдықтаудағы тозу деңгейін 40%, электрмен жабдықтауда 45%, сумен жабдықтауда 34%-ке дейін және су бұруда 40%-ке дейін төмендейді.