Алматы әкімдігінде Алматы қаласы Қоғамдық даму басқармасының «Мониторинг және талдау орталығы» ақпараттық-түсіндіру тобы (АТТ) мүшелерін басын қосып дөңгелек үстел өткізді. Іс-шара «Қазақстан Республикасында діни экстремизм мен терроризмге қарсы іс-қимыл жөніндегі 2018 – 2022 жылдарға арналған мемлекеттік бағдарлама» аясындағы ақпараттық-түсіндіру жұмыстарын (АТЖ) жылдық кезеңін аяқтады. Дінтанушылар мен теологтар, философтар мен саясаттанушылар, сарапшылар мен қоғам қайраткерлері 2019 жылғы атқарылған жұмыстың қорытындысын жасады. Іс-шара барысында топ мүшелері дін саласындағы мемлекет саясатын ақпараттандыру мен түсіндірудің ең өзекті мәселелерін талқылап өтті. Мониторинг және талдау орталығының қызметкерлері топ мүшелерінің тілектерін тыңдап келесі жылғы ақпараттық-түсіндіру жұмысының жоспарларымен бөлісті.
Іс-шара соңында Алматы қаласы Қоғамдық даму басқармасының басшысы Есдәулетов Диас Рахметұлы топ мүшелеріне алғыс білдіріп, үздік шыққандарға бағалы сыйлықтар табыстады.
ДІНИ ЭКСТРЕМИЗМ МЕН ТЕРРОРИЗМГЕ ҚАРСЫ ШАРА
