Өздеріңіз білетіндей әйгілі «Қазақстан» қонақ үйі 25 қабатты болып есептеледі. Ал, Түркітілдес журналистер қоры ұйымдастырған пресс-турда біз — оның 26 қабатына яғни ұшар басынан шықтық!!!
Алған әсер керемет!!! Өздеріңіз білетіндей, қонақ үйдің төбесінде алтын тәжі бар. Сәулет өнеріне сай, ғимаратқа ерекше сән беріп тұрған бұл тәжі — біршама уақыттан кейін, келушілердің көзайымына айналмақ! Өйткені, қонақ үйдің жаңа қожайындары, сол тәждің ішінен болашақта хауыз-бассейн жасауды жоспарлап отыр екен! Құптарлық бастама, іске асып кетсе онымен де мақтанатын боламыз!!!
Жалпы, «Қазақстан» қонақ үйі 4 жұлдызды болып есептеледі. Дегенмен, бұл ғимарат Алматының, қала берді бүкіл Қазақстанның символы ретінде танымал екені даусыз. Сондықтан да, қонақ үйді басқарушылар Қазақстанда «Қазақстанмен» теңдесетін мейманхана жоқ деп отыр.«Ешкім бізге бәсекелес бола алмайды, керісінше бізге қарап сап түзейді», деген пікірде!!!
360-қонақ бөлмесі бар «Қазақстанда» «президенттік нөмер» жоқ екен. Есесіне жуық арада 6 бөлмеден тұратын «люкс» қолдануға берілмек! «Стандарт», «Люкс», «Полулюкс» және «Люкс» бөлмелерінің бір күндік бағасы 25 мыңнан бастап, 60 мыңға дейін.
Бөлмелерге қазір күрделі жөндеу жүргізіліп жатыр екен. Алайда, жаңартылған сәнді бөлмеге орналасу ақысы өзгермейтінін керісінше болашақта бұл баға біршама төмендеуі мүмкін екенін айтады, қонақ үй басқарушылары!
Той залы!
Алты ай дайындықтан кейін, бас-аяғы 2 айдың ішінде күрделі жөндеуден өткен мына зал қазақтың киіз үйі іспеттес! Дөңгеленген пішіндегі залдың төбесінде шаңырақ көрінеді!
Мұнда той жасағыңыз келсе, үш ас мәзіріне қарай, бағасы да ерекшеленеді. Күміс-22 мың, Алтын-26 мың, Платинум-26 мың адам басына!!! Ал төендегі ыдыс ақтар сіздің тойыңыздың сервировкасы! Қасықтарға алтын жалатынлған.
Ал мына орындықтар, Қазақстанда жасалған!!! Рас айтам. Бұл жас жұбайлардың салтанатты тағы!
Ал, мына бөлмеде, жас жұбайлар тойға дейін, немесе той кезінде аздап болса да серги алады!
Айта берсең, «Қазақстан» қонақүйінің қызығын тауысу мүмкін емес. 25-қабатта мынадай әдемі бардан тамақ ішуге болады. Терезесінен көрінген кереметтің өзі бөлек әңгіме!
Дәл осы 25-қабатта тағы бір елде жоқ, ерекше орын бар. Оны көргіңіз келсе, осы бардан дәм тату керек шығар!
Пресс-тур өте әсерлі болды. Менің жазбамды бір қарап шығады деген үміттемін)))!
Роза Исаева