Астана қаласында 18 жастағы азамат түнгі ойын-сауық орнының жанында пышақталып, алған жарақатынан көз жұмды. Қылмысқа қатысы бар деп күдікке ілінген екі адамды полиция ұстады.
Құқық қорғау органдарының мәліметіне сәйкес, аталған оқиға бойынша «денсаулыққа қасақана ауыр зиян келтіру салдарынан өлімге әкеп соқтыру» бабы негізінде сотқа дейінгі тергеу амалдары басталған.
Полиция қызметкерлері күдікті екі тұлғаны анықтап, уақытша ұстау изоляторына қамады. Алдын ала дерек бойынша, түнгі клубтың маңында жас жігіттер арасында туындаған жанжал төбелеске ұласып, соның нәтижесінде 18 жастағы жігіт ауыр жарақат алып, оқиға орнында қаза тапқан.
Қазіргі уақытта тергеу әрекеттері жалғасып жатыр. Құқық қорғау органдары оқиғаның барлық мән-жайын анықтауда.
Сонымен қатар полиция азаматтарды ойын-сауық орындарында қоғамдық тәртіпті сақтауға, жанжалдан аулақ болуға шақырып, кез келген заңға қайшы әрекет заң алдында жауапкершілікке тартылатынын ескертеді.
Фото: ЖИ