Алматы облысы Қаржылық мониторинг агенттігінің мәліметінше, тергеу барысында Алматы облысына қарасты Жамбыл ауданының халыққа қызмет көрсету бөлімінде жұмыс істейтін «Қазпошта» АҚ кассирлері 2021-2023 жылдар аралығында төлқұжат пен жеке куәлікті рәсімдеу барысында мемлекеттік баждың бір бөлігін иемденіп отырған.
«Қазпошта» қызметкерлері көші-қон қызметіне баж сомасы жайлы жалған ақпарат енгізілген түбіртекті ұсынып, мемлекетке 84 млн теңгеден аса шығын келтірген.
Бүгінгі таңда аталған дерек бойынша тергеп-тексеру жұмыстары жүргізіліп жатыр.
Басқа ақпарат ҚР ҚПК 201 бабына сәйкес жариялауға жатпайды.