2020 жылдың 15-20 қарашасында Атырау Жастар сарайының «Jaspace» шығармашылық кеңістігінде «Azamat 3.0» білім беру бағдарламасының екінші кезеңі — «Жобалық менеджмент бойынша семинар» өтті.
«Azamat 3.0» бағдарламасы бейресми білім берудегі инновациялық тәсілдемелердің көмегімен жастарды қазіргі заманауи әлемнің белсенді азаматтары болуға қолдауға бағытталған. Бағдарлама 18-24 жас аралығындағы белсенді жастарға арналған және жастардың кәсіби қасиеттерін дамытуға, сондай-ақ олардың әлеуметтік хабардарлығын қалыптастыруға бағытталған. «Azamat 3.0» төрт кезеңнен тұрады: «Болашақ азаматының зертханасы» семинары, жобалық менеджмент бойынша семинар, әлеуметтік жобаларды әзірлеу және одан әрі ақшалай гранттарға өтінім беру, рефлексия форумы және қатысушылар қонақтарды өз жобаларымен таныстыратын «Azamat 3.0» жәрмеңкесі.
5 күн ішінде қатысушылар, оның ішінде жергілікті ЖОО студенттері мен түрлі ұйымдарда қызмет атқаратын жас мамандар, жобалық менеджмент негіздерін меңгеру мүмкіндігіне ие болды, бәсекеге қабілетті, шығармашылық және инновациялық ойлайтын жаңа буын мамандарының құзыреттіліктерімен және қасиеттерімен танысады және өздерінің әлеуметтік жобаларын әзірлей алды.
— Қазіргі тез өзгеретін әлемде «таратуға тұрарлық дағдылар» деп аталатын, яғни еңбек нарығындағы өзгерістерге қарамастан, кез келген салада қолданылатын дағдыларға ие болу маңызды. Біздің бағдарлама аясында біз жастардың бойында осындай дағдыларды дамытамыз, сонымен бірге әлеуметтік жауапкершілікті сіңіреміз. Әлеуметтік жобаларды құруды және іске асыруды үйреніп, балалар жобалық басқару дағдыларын игеріп қана қоймай, проблемаларды жүйелі түрде шешуді үйренеді – деп атап өтті «Impact Hub Almaty» жетекшісі Индира Шах.
Ұйымдастырушылардың айтуынша, «Azamat 3.0» бағдарламасының басты міндеттерінің бірі қатысушылардың әлеуметтік мәселелерді шешуге бағытталған жобаларды іске асыру болып табылады, сондықтан оларға жобаларды дамыту стратегиясын егжей-тегжейлі зерделеу, іс-қимыл жоспары мен жоба бюджетін жасау бойынша шағын топтарда жұмыс істей отырып, практикалық білім алу, жобаның тиімділігі мен әлеуметтік әсерді бағалау қалай өтіп жатқанын білу аса маңызды.
Қатысушылар үшін тренингтерді сертификатталған халықаралық және жергілікті жаттықтырушылар жүргізді.
Impact Hub Almaty (IHA) — Қазақстандағы әлеуметтік және шығармашылық кәсіпкерлікті дамытуға толық қолдау көрсететін бірегей платформа. Платформа «Шеврон» компаниясы мен Орталық Азияның «Еуразия» қорының қолдауымен құрылды. Әлемнің 5 құрлығында 16 000-нан астам мүшесі бар 100-ден астам Хабтан тұратын Impact Hub Network жаһандық желісінің бір бөлігі бола отырып, IHA коворкингке, іс-шараларға арналған кеңістікке, акселерация бағдарламаларына, тәлімгерлерді оқыту мен қолдауға, Алматы қаласы мен Қазақстанның әлеуметтік және шығармашылық кәсіпкерлерінің инновациялық қоғамдастығына қолжетімділікті ұсынады.
«Azamat 3.0» бағдарламасы «Шеврон» компаниясының Атырау (AYDI) жастарын дамыту бастамасының бір бөлігі болып табылады. Бастама Атырауды жастар экономикалық өнімді және әлеуметтік белсенді болатын ашық, инклюзивті және тең құқықты қала ретінде дамытуға бағытталған. AYDI жобасын British Council, Impact Hub Almaty және Urban Forum Kazakhstan коалициясы Атырау облысының әкімдігімен әріптестікте.
Атырау жастары шығармашылық және инновациялық ойлауды үйренді
