Синоптиктер 30 қараша күні елдің сегіз қаласында ауаның ластану деңгейі артуы мүмкін екенін хабарлап, сол аймақ тұрғындарын абай болуға шақырды.
Мамандардың дерегінше, 30 қарашада қолайсыз метеожағдайлар Атырау, Ақтөбе, Алматы, Қарағанды, Жезқазған, Балқаш, Теміртау, ал түн мезгілінде Қостанай қалаларында орын алуы ықтимал.
Қолайсыз метеорологиялық жағдайлар — атмосфераның төменгі қабатында зиянды қоспалардың жиналуына себеп болатын қысқа мерзімді ауа райы құбылыстарының (тынық ауа, әлсіз жел, тұман, инверсия) жиынтығы.
Осындай кезде елді мекендердегі ауа сапасы нашарлап, ластаушы заттардың концентрациясы артуы мүмкін.
ҚМЖ (қолайсыз метеожағдай) кезінде тұрғындарға ашық ауада ұзақ жүрмеуге, әсіресе жол жиегінде немесе басқа да ластану көздеріне жақын аймақтарда болмауға кеңес беріледі. Сонымен қатар, тыныс алу жолдарының созылмалы сырқаттары, жүрек-қан тамырлары аурулары немесе аллергиясы бар адамдар сыртқа шыққанда өздеріне қажетті дәрі-дәрмектерін алып жүргені дұрыс.
Фото: ЖИ