Шығыс Қазақстан облысында Жаңа жыл қарсаңында шыршаларды заңсыз кесу мен сатуға қарсы 20-31 желтоқсан аралығында «Шырша» республикалық жедел-профилактикалық іс-шарасы өтіп жатыр.
Заңсыз ағаш кесуге қарсы күресті күшейту мақсатында мобильді топтар орман шаруашылығы инспекциясымен бірлесіп жұмыс жүргізіп жатыр. Сонымен қатар полицейлер өңір аумағында орман алқаптарының сақталуын тексеру үшін тікұшақпен әуеден бақылау жүргізіп жүр. Іс-шара басталғалы бері 20-дан астам заң бұзушылық тіркелген. Сондықтан құқық қорғау органдары табиғи ресурстарды сақтауға шақырып, заңды қатаң сақтауды ескертеді.
Шыршаларды заңсыз кесу келтірілген залал көлемі 50 айлық есептік көрсеткіштен аспаса, әкімшілік жазаға әкеледі. Егер зиян бұл межеден асып кетсе қылмыстық жауапкершілікке тарту қарастырылады.