Қытайдан Астана LRT желісімен қатынайтын жеңіл рельсті пойыздарды сатып алу бойынша жұмыстар жүргізіліп жатыр.
Қала әкімдігі эстакадалық бөліктің құрылысы, станцаларда темірбетон жұмыстары аяқталды, сондай-ақ Есіл өзені арқылы көпір салынғанын мәлім еткен. Орындалған бетон құю жұмыстарының жалпы көлемі — шамамен 450 мың шаршы метр. Сонымен қатар, бұрғылау-тығыздау қадаларын, тіректерді орнату, құрама арқалықтарды монтаждау және монолитті арқалықтарды құю бойынша жұмыстар толық көлемде орындалыпты.
Сондай-ақ, жергілікті атқарушы орган Астана LRT желісімен қатынайтын жылжымалы құрамға тапсырыс беру жұмыстары жүргізіліп жатқанын мәлімдеген. Шарт талаптарына сәйкес 19 жылжымалы құрам сатып алынады. Жылжымалы құрамдарды өндіруші ел — ҚХР. Қазір жылжымалы құрамға тапсырыс беру жұмыстары жүргізіліп жатыр.