Сенат төрағасы Мәулен Әшімбаев сенаттың жалпы отырысында тарифтердің бағасын қымбаттату қажеттігі туралы айтты. Оның сөзінше, бюджет шығынын бақылауда ұстау өте маңызды.
«Бағаның өсуіне қысым түсіп жатыр. Біз тарифтерді көтеруіміз керек. Қазіргі баға осыған дейінгі кезеңнен қалған. Қанша жыл бойы тарифтер өскен жоқ, осыған байланысты біздің барлық энергетикамыз, тұрғын үй-коммуналдық кешеніміз өте қиын жағдайға түсті. Сондықтан тарифтерді арттыру керек», деді Мәулен Әшімбаев.
Палата спикерінің айтуынша, тариф өсіп, бюджет шығыны көбейгенде пайыздық ставка арқылы инфляцияны ұстау көзделіп отыр.