Әкімдік дерегіне сәйкес, ауа райының салқындауына байланысты қаладағы көпқабатты үйлер мен әлеуметтік нысандарды орталықтандырылған жылу желісіне қосу шаралары қолға алынды.
«Оған дейін әлеуметтік маңызы бар мекемелер — мектептер, балабақшалар және денсаулық сақтау ұйымдары — өтінімдеріне сәйкес жылумен қамтамасыз етілген болатын. Алдағы күндері қаланың барлық нысандары кезең-кезеңімен жылу жүйесіне қосылады», – делінген ресми ақпаратта.
Еске сала кетейік, бұған дейін Павлодар облысында да жылыту маусымы басталған еді. Алдымен балабақша, мектеп және аурухана секілді әлеуметтік мекемелерге жылу берілген болатын.