Елімізде сот үкімімен ақталып шығатындар саны 1,5%-дан аспайды.
Соңғы 4 жылда шамамен 33 мың қылмыстық іс және 411 мың азаматтық іс, биыл алғашқы жарты жылдықта 16 226 қылмыстық іс пен 257 309 азаматтық іс қаралған.
Статистикаға салсақ, 2020 – 2022 жылдары ақтау үкімі шыққан адамдардың саны 1,5% және 1,4%-ды көрсеткен. Былтыр ақталғандардың үлес салмағы 1,2% дейін түскен. Бірақ сотта қаралған қылмыстық істер саны айтарлықтай кемімеген. Биыл жарты жылда 16 226 қылмыстық іс қаралса, соның ішінде 0,8% адам ақталып шыққан.
Сотты болған әйелдер мен балалар саны былтыр өскен. Айталық, екі жыл бұрын сотталған әйелдер саны – 2923, жеткіншектер саны – 425 болса, былтыр түрмеге түскен әйелдер саны – 3264, ал кәмелетке толмағандар саны – 509-ға жетіп отыр. Биыл алғашқы жартыжылдықта 1980 әйелге сот үкімі шықса, 313 бала темір торға қамалған.