Түркі әлеміне ортақ спорт туризмі туралы сөз сөйлеген «Еуразиялық мәдениет және спорт ынтымақтастығы» қорының президенті Ахмет Түзүн елімізде өткен Ұлы дала ойындарына ерекше тоқталды.
Оның айтуынша, түркі халықтарына ортақ құндылықты дәріптеуге негіз болатын осындай маңызды шаралардың туыстық байланыстарды жандандыруда алатын орны ерекше. Айталық, осы дүбірлі додаға 89 елден спорттың 21 түрінен 2 мыңнан астам спортшы қатысты. Бұл ғана емес, халықаралық көшпенділер ойыны түркі халықтарының мәдени мұрасын әлемге насихаттаудағы таптырмас құрал.
«Қазақстан Президенті Қасым-Жомарт Тоқаев: «Біз 10 жыл бұрын ойындарды алғаш рет ұйымдастырған қырғыз бауырларымызға алғысымызды білдіреміз. Дүниежүзілік Көшпенділер Ойындарын әлемдегі дәстүрлі спорт түрлерінің ең үлкен жарысы мен Олимпиадасы деп атауға болады. 5 мың жыл бұрын жылқыны қолға үйрету арқылы біз бүкіл әлемге тараған ат спорты мәдениетінің негізін қаладық» деді. Көріп отырғанымыздай, түркі әлемі өзінің тарихи, мәдени және табиғи байлығымен көрікті жерлердің орталығы. Осы себепті спорттық туризмін дамыту – біздің ортақ мақсатымызға айналуға тиіс. Спорттық туризм-бұл әлемдегі туризм шығындарының 10% — ын құрайды. Қазақстанға 2022 жылы 106 мың түрік азаматы және 2023 жылы 135 мың түрік азаматы келді, яғни кейінгі жылдарда туыс елдер арасындағы туристердің көші өсіп келеді. Ендігі жерде біз мұнымен тоқтап қалмай, медиа және туризм саласының мамандары ортақ іске жұмылып,. спорттық туризм жандануына өзіндік үлес қосуымыз керек», деді Ахмет Түзүн.