Еңбек және халықты әлеуметтік қорғау вице-министрі Асқарбек Ертаев ОКҚ алаңында биылғы көші-қон жағдайы туралы баян етті.
Оның айтуынша, 2024 жылы сыртқы көші-қонда оң динамика байқалады. Көші-қонның оң сальдосы 2 жыл бойы сақталып келеді. Биылғы бірінші жартыжылдықта көші-қон сальдосы +7,3 мың адамды құрады. Елге 14 мың адам келіп, 7 мың адам көшіп кеткен.
«Елдердің бөлінісі бойынша көші-қон өсімі негізінен ТМД елдері мен Қытай Халық Республикасына тиесілі болып отыр. Білім деңгейі бойынша да оң сальдо қалыптасты, мәселен, елімізге білімді адамдар көбірек келгені байқалады», – деді министр орынбасары. Ал ішкі көші-қондағы азаматтардың қозғалыс белсенділігінің өсуі бар. Ел ішінде қоныс аударушылар саны былтырғы сәйкес кезеңмен салыстырғанда 1,7 есе артқан.